موضوعي عن عيشتنا عيشة 2010

السلام عليكم
كيف الحال ؟؟عساكي بخير وبصحه وبعافيه ..
اليوم جات كم كلمه ع راسي ودبلتها وقولت اكتب وارسل ..
موضوعي عن عيشتنا عيشة 2010
كبدايه ..الترقيم
الترقيم يابت الحلال شي موحلو الصراحه الولد زي ماقولت اول مايعيبه الا جيبه والبنت يعيبها حاجات كتيره لو غلطت
انتي ماره فالسوق شوفتي واد مره حلووو وجا رقمك بتاخدي الرقم؟؟؟قبل كل شي انا اسالك تنزلي مستواكي عشان واحد حلو ويعرف عشرين غيرك؟؟ولا ترفعي مستواكي وتخلين خالقك ينبسط منك ؟؟الجواب عندك
في فرق بين ترقيم الواقع وترقيم النت..ترقيم الواقع كله جمال في جمال يعني واد شاف بنت حلوه ورقمها او العكس
تيب فالمسن اقرب الناس ليكوم عادي
عندي ارقام بنات واتكلم معاهم بصفة صديق او اي شي
بس حبيب نو وكلمات ياقلبي ياروحي ماعندي انا عندي دبه وخلاص ههه منجد عشان مابا اكون لاعاب
فالاحسن انك تكوني غاليه وماتنزلي نفسك عشان ناس ماتستاهلك ...اوكي..
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
الكام
الكام شي حلو تطور جيل بعد جيل بس ماتحسي صار فري وايزي زي الترقيم؟؟
فالدين قالوا البنت بس تكشف وجهها ..طيب حلو بس عندنا فالسعوديه عندنا شي اسمو غيره
وابشرك غيرتي زي البدو طب ربنا ماخلانا ناكل الخنزير ليه؟؟في سبب يقول انو الي ياكل الخنزير ماعندو غيره
طب انا مكاوي قلبي قلب السعوديه باغار ويحقلي اني اغار سواء اعرفك او لا كدا غيره جايا من ربك
صحيح شغلي اوروبي مع الناس بس الغيره اووه غيره سعووووووووووووديه
الاحسن والافضل انك ماتفتحي ..الا اذا كان بداعي الصداقه يعني تعزي الشخص فالجواب بيدك..
بس انا كرهت الكام عشان في بنات مستعدين يكشفوا عشان بطاقه اخ بس منجد يحرق دمي
ولا بنت تقول ما افتح كامب ويوم تعجب بواحد تفتحلو مجرد اعجاب؟؟طيب فين الاخلاص لنفسك.. شكلو شرد خخ
مانقول الا الله يهديهم ويهدينا اجمعين..انا ماقولك انا ما اسوي غلط لا انا اكبر شيطون عشان ترتاحي ههه
فقبل اي شخص يطلب كام منك فكري بي هالكلام والجواب جوابك والله يستر عليكي دنيا واخره
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
الموضه آي ستآيل<<صح يالغه ايما تسري هه
كلنا نبا نكبر بعيون غيرنا وكلنا نبا نكون حلوين وكلنا نت التألق والـتأقلم ونبا الناس تقول عننا اننا حلوين ومن دا الكلام..طيب حلو هاالشي بس بسالك في منو هدف؟؟مو فالنهايه حيشوفوا عيوبنا ويتكلموا (ولي يمشي ورا كلام الناس ترا يتعب)الجمله دي مفهومه زي الفستق..خلي كل شي بعقلانيه لبسك اسلوبك كلامك ..
وكل الي اباه منك والمقصود من كلامي انك لاتحاولي تجيبي الهرج الفاضي ع ظهرك..تويب ياعسوله..
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
السوق
السوق زي منتي عارفه مليان شباب طيب عندي بنت تقولي انا خارجه باشتري وبطلع ويلحقوني شباب
وسالتها ايش لابسه انتي كيف عبايتك؟؟تقولي مطرزه وفي حركات جلست اضحك وقالت اشفيك؟؟
رديت ..طيب يا امي ماتبي شباب يلحقوكي غيري من لبسك جربي انزلي بعبايه عاديه وغطوه محترمه
ان جاكي حد دوسي ع رقبتي ونا راضي ..لانو زي ماقولت اول لو تسكسكي عليهم الحفر ماراح يجكي ولا فاره
فاره=الشاب خخخ..استحت البنت وطبقت كلامي..جات بعد اسبوع تقولي فديتك انفجعت سالتها ايش الكلمه دي الي تذوب الواحد..ردتلي صرت انزل السوق ومحد يطالع بيا وصار راي اهم من رأي غيري..سجلت صوت تصفيق لها وقولتلها الف الف مبروك كدا انتي تعجبني تخليني افرح تخلي قلبي يدق من جديد..طبعا استحت البنت وليومنا دا جالسه تتشكر ..طيب هالعبره خديها وطبقيها وشوفي ايش الناتج...
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
احلا ماجيلنا اننا فاهمين من صغرنا بس المشكله مانطبق مره لازم نجرب مدري ليش
لكن الله يعين عالكل ويسامحهم ..ونا اقولك واكتب واتعب عشان تعرفي(من نصحك حبك)
ويارب ترجع عيشتنا زي ايام زمان زي ايام الجيل الذهبي الي قبل قبلنا..لانو كان في اخلاص و وفاء والبنت تضرب الف حساب لنفسها ...مع اني عارف لو اصير عشرين حامد ماراح تجي دي العيشه..الله يعين
ونا جيتك بي الاسلوب الحلو والمزح اساس ماتطنشين كلامي وابا اضحك كمانه مو تحسبوني مطوع
ولا انا مطوع ع مستوى دشره ههههه
الله يوفقك ويستر عليكي ويخليكي لي اهلك الحلوين الي ربوكي احلا تربيه
شكرا عالقراءه ولو طبقتي كلامي صدقيني حنبسط
وليكي مني ورده صغنطوطه عشان خاطر عنونك

في امان ربي ياعسل..

» جبت لكم صور ل جولات 2010
» Ellie Goulding 2010
» اسماء بلوتوث 2010
» شتاط ايمو 2010
» صور الانمي ايمو 2010