تخيلووو معاي في وسط الحضور يدخل واحد

السلام عليكم ورحمــــه الله وبركاته

كيفكم أخباركم .....عساكم خير.....

قصيده آعجبتي وآتمنى آنهآ تعجبكم..،،،

الله يكون في عون المعرس !!

تخيلووو معاي في وسط الحضور يدخل واحد
ويقول قصيدة في العروسة للمعرس وش بيكون ردة فعلــهــ؟؟

أبد ما جيت أبـارك لك ولكن جيت باوصيك

على الله ناوي(ن) تدخــل بها اللـيله ... معذبتي

ترى لولا الظروف اللي عطّـتك وحدّت محاكيك

قسـم بالله مـا تدخل عليــها لو على رقبتي

ولكن النصيب أقوى ولاادري ويش اسوي فيك

نعــم...صــارت معزبتك,, ولا صــارت معزبتي

كذا شـاءت بنا الأقـدار تحرمني لجل تعطيك

كذا لازم عشــان تفوز انت,,أنا اخـسر بتجربتي

تراها غاليــة جدا..وتكفى.. والله يخلــيـك

تدللـها..تدلعـها ..تنسّـيها مصاحبتي

أنا من كثر مااغليها أحس اني بديت أغلـيك

ولاتسـأل بأيـة حـق والا وش مناسـبتي

لأنك لو بتسألـني بتسمـع شي مـا يرضيك

لذا يا خـوي لا تسأل ولا تسمـع لأجوبتي

أبيك تحطها في داخل عـيونك وبين ايـديـك

وهي دلوعة إعتـادت على كثرة مداعبتي

فداعبـها شوي شوي حـتى تشتهي طاريك

وشاغبها إليـن تقول: بـطّــل من مشاغبتي

واذا هي مالها خلقك,,ولا تضحك ولا تسليك

تحمّلــها وإسألـها :ياعمري ليـه عصّبـتي

وبالك أسمع انك يوم تضربها وهي تشكيك

ما يحتــاج أوري لك بفن الضـرب موهبتي

صحيح انك بتملكها ومعك العقــد بالتمليـك

وانا عــــارف حدود الله ومن حــقـــك معاقبتي

ولكن قل لها : المجنون وصّـــاني وهو يعنيك

يقـول انه بيــنتظـرك لوشـيّـب وشـيّـبتي

وانا مجنونها اللي مـا نساهـا وانت مايمديك

تغــطي ذكريــاتي.. في هواها و ربع تجربتي

أحس اني تماديت بكلامي,, والغضب حـــاديــك

ولو انك في مــكاني ما تفكر في محـاسبتي

كفاك اني تركت الليـله أشغالي عشان أجيك

دخلت القاعة برجلي ولا أدري ويش عاقبتي

وانا ما جيت أخرّب عرسك الليله ولا أذّيـك

أنا جيتك عشــان أخاطـبك واسمع مخـــاطبتي

توصّـى ... وانتبه.. واحرص عليها والله يهنيك

ترى كل الكلام اللي طلع من ضيقي وكبـتـي

ولكن ما قدرت اني أقوله وانت مايخفـيك

أخـاف اني اذا قلته تقوم وتقطـع رقبــتي

وسلامتكم

فعلا قصيدة " حـــلوة"مشكورة على المجهود

تقبلي مروري تخيلووو معاي في وسط الحضور يدخل واحد Icon_wink

» دفتر الحضور اليومي...
» الي يدور الشر يدخل !!!
» لو بقي لك من عمرك يوم واحد فقط ماذا تفعل في هذا اليوم!
» قصة بنت كانت تطالع واحد بعين قويه
» مره واحد واقف مع ربعه وشاف بنت قعد يطالعها ويلحقها